بحرین سے پشاور ائیرپورٹ آنیوالے 28مسافروں میں کورونا وائرس کی تصدیق

باچا خان ائیرپورٹ پر بحرین سے آنے والے 28مسافروں میں کورونا وائرس کی تصدیق ہوئی جس کے بعد ائیرپورٹ انتظامیہ کی دوڑیں لگ گئیں، انتظامیہ نے متاثرہ مسافروں کو فوری دیگر لوگوں سے علیحدہ کردیا۔

نجی ٹی وی کے مطابق کورونا ٹیسٹ مثبت آنے والے مسافروں کو ضلعی انتظامیہ کے حوالے کر دیا گیا، سی سی او باچا خان ائیرپورٹ کے مطابق کورونا زدہ مسافروں کی آمد کے بعد ائیرپورٹ کے مختلف حصوں کو ڈس انفیکٹ کیا گیا۔ بحرین سے آنے والی بین الاقوامی پروازکے ذریعے 130مسافر پاکستان پہنچے تھے ۔