عمران خان اور حواری جلد لندن بھاگ جائیں گے۔بلاول

چیئرمین پاکستان پیپلزپارٹی بلاول بھٹو نے کہا کہ ملک کو خیراتی ادارے کی طرز پر چلانے کا عمران خان کا تجربہ ناکام ہو گیا ، آئندہ نسلوں نے عمران خان کی خوفناک تبدیلی کی قیمت ادا کرنی ہے ۔

چیئرمین پاکستان پیپلزپارٹی نے کہا کہ جتنی تباہی عمران خان نے کی اتنی ملکی تاریخ میں کبھی نہیں ہویی، عمران خان کو معاشی بحران ورثے میں نہیں ملا ، سلیکٹڈ وزیر اعظم نے معاشی بحران پیدا کیا ، وباء بعد میں آئی عمران خان پہلے ہی معیشت کا جنازہ نکال چکے ہیں ۔

بلاول بھٹو زرداری نے کہا کہ خدشہ ہے کہ عمران خان کا اقتدار مدت پوری کر گیا تو ملک دیوالیہ نہ ہو جائے ، عمران خان اور حواری لوٹ مار کرکے لندن بھاگ جائیں گے ، وہ حکمران ملک کیسے چلا سکتا ہے جس کی باتوں کو کوئی سنجیدہ ہی نہ لے ۔

انہوں نے مزید کہا کہ عمران خان کا سب سے بڑا جرم ملک کے نوجوانوں کی امیدوں کا قتل ہے ، اس حکومت میں پاکستان بد ترین سیاسی انتقامی ، مالی بحران کا شکار ہے ۔