سندھ میں اسکول کالجز، مزید دو ہفتے کیلیے بند کرنے کا اعلان

وزیراعلیٰ سندھ سید مراد علی شاہ نے کہاکہ سندھ میں کورونا کیسز بڑھ کر 8٫37 فیصد ہیں ، اس صورتحال میں کوئی نرمی کی گنجائش نہیں، صوبے میں اسکول اورکالجز مزید دو ہفتے کیلیے بند کیے جا رہے ہیں،دکانوں کو بھی 8 کی بجائے 6 بجے بند کرنے کا فیصلہ کیا ہے ۔

نجی ٹی وی کے مطابق وزیراعلیٰ سندھ سید مراد علی شاہ کی زیر صدارت اجلاس ہوا ، اجلاس میں کہا گیا کہ گزشتہ سال رمضان اورعید کے بعد کورونا کیسز بڑھے ، رواں سال تجربات کو سامنے رکھتے ہوئے ہم نے حکمت عملی اپنائی، کراچی میں کورونا کیسزکی شرح 13٫8 فیصد ہے ، حیدر آباد میں  10٫8 فیصد ہے ۔ہم نے جن اقدامات کا کہا تھا وہ نہیں مانے گئے، صوبے میں کیسزکی تعداد بڑھ کر 8٫37 فیصد ہو گئی ہے ۔

وزیر اعلیٰ سندھ نے کہا کہ کورونا ٹاسک فورس نے ایڈوائس دی کہ سخت اقدامات کرنا ہوں گے ، دکانوں کے اوقات 8 کی بجائے 6 بجے تک محدود کرنے کا فیصلہ کیا ہے،مالزکے اندر جو فارمیسز ہیں انہیں بھی 6 بجے بند کیا جائے گا۔ پٹرول پمپ ، ٹیک اوے ، ہوم ڈیلوری کھلی رہے گی۔