تربت ائیرپورٹ کے قریب سیکیورٹی فورسز پر دہشتگردوں کا حملہ1اہلکار شہید

بلوچستان کے علاقے تربت ائیرپورٹ کے قریب سیکیورٹی فورسز پر دہشتگردوں کا حملہ جس کے نتیجے میں ایک جوان شہید ہوگیا۔

پاک فوج کے شعبہ تعلقاتِ عامہ آئی ایس پی آر کے مطابق دہشت گردوں کی فائرنگ سے نائیک عقیل عباس شہید ہوگئے۔

اس حوالے سے آئی ایس پی آر کا کہنا تھا کہ دہشت گردوں کی تلاش کے لیے ایف سی بلوچستان نے علاقے میں سرچ آپریشن شروع کردیا۔

پاک فوج کے شعبہ تعلقات عامہ کا کہنا تھا کہ شرپسند عناصر کی ایسی بزدلانہ کارروائی بلوچستان میں امن و استحکام کو سبوتاژ نہیں کرسکتی۔

ذرائع کے مطابق دہشت گردوں کے بزدلانہ حملہ میں شہید ہونے والے نائک عقیل عباس کا تعلق ضلع چکوال سے ہے ۔