کورونا کی ویکسی نیشن نہ کرانے والوں کے خلاف بڑی پابندیاں عائد

کوئٹہ کی ضلعی انتظامیہ نے کورونا کی ویکسی نیشن نہ کرانے والوں کے خلاف بڑی پابندیاں عائد کر دیں ، جو لوگ ویکسی نیشن نہیں کرا رہے انتظامیہ کی جانب سے ان کےسرکاری دفاتر ، بینکوں ، پبلک ٹرانسپورٹ، شاپنگ مالز، تفریحی مقامات پر داخلے پر پابندی عائد کردی گئی ہے جس کا نوٹیفکیشن بھی جاری کردیا گیا ہے ۔

ضلعی انتظامیہ کوئٹہ کی جانب سے جاری کردہ نوٹیفکیشن میں شاپنگ مالز، دکانداروں کو وکرونا ویکسی نیشن کارڈ چیک کرنے کی ہدایت کی گئی ہے ، شادی ہالز میں بھی بغیر ویکسی نیشن کارڈ کے مہمانوں کو آنے کی اجازت نہیں ہوگی ۔

واضح رہے بلوچستان میں اب تک 26ہزار893افراد کورونا سے متاثر ہوئے جن میں سے 304جاں بحق ہو گئے ، صوبے میں اب بھی 793ایکٹو کیسز موجود ہیں ۔