کراچی سمیت سندھ بھر میں گیس کا بحران جاری

صوبائی دارالحکومت کراچی سمیت سندھ بھر میں گیس کا بحران جاری ہے جس کے باعث صنعتوں کو ملے بڑے آرڈر منسوخ ہونے کا خطرہ ہے۔

کراچی سے تعلق رکھنے والے صنعتکاروں کا کہنا ہے کہ سی این جی آر ایل این جی اسٹیشنز کوبھی گیس کی فراہمی معطل کردی گئی ہے اورگیس کی بندش سے صنعتوں کونقصان کا سامنا کرناپڑرہا ہے۔

ایکسپورٹ انڈسٹری کوبھی گیس فراہم نہیں کی جارہی جس سے آرڈر منسوخ ہوسکتے ہیں اورآرڈرمنسوخ ہونے سے ایکسپورٹ میں کمی ہوسکتی ہے۔

دوسری جانب سوئی گیس حکام کا کہنا ہے کہ تمام سیکٹرکوگیس کی فراہمی غیرمعینہ مدت کیلیے ملتوی کی گئی ہے۔