پشاور۔ مکان سے 3 جلی ہوئی مسخ شدہ لاشیں برآمد

پشاور کے محلہ سیٹھیان میں واقع ایک مکان سے 3 جلی ہوئی مسخ شدہ لاشیں برآمد ہوئی ہیں جو  کئی روز پرانی ہیں۔

پشاور کے محلہ سیٹھیان میں مکان سے 3 جلی ہوئی اور مسخ شدہ لاشیں برآمد ہوئیں جنہیں پوسٹ مارٹم کے لیے اسپتال منتقل کردیا گیا، لاشوں کی شناخت 60 سالہ سلطان سرفراز اور ان کی دو بہنوں کے طور پر ہوئی ہیں، جن کی عمریں بھی ان ہی کے برابر ہیں، لاشیں کئی روز پرانی لگتی ہیں جو گل سڑ چکی ہیں۔

پولیس نے جائے وقوعہ سے شواہد اکھٹے کر کے تفتیش شروع کردی جبکہ علاقہ مکینوں سے بیانات بھی قلمبند کرلئے گئے ہیں، حکام کا کہنا ہے کہ یہ گھر کسی ایس اے علی گل نامی شخص کا تھا جو کہ کچھ عرصہ قبل فوت ہوچکا ہے اور یہ لوگ اس کے بھائی بہن تھے۔