کراچی :لاک ڈائون میں نرمی کانوٹیفیکیشن جاری کردیاجائےگا،بیرسٹرمرتضیٰ وہاب

سندھ حکومت کے ترجمان بیرسٹر مرتضیٰ وہاب نے لاک ڈاؤن میں نرمی کا عندیہ دیتے ہوئے کہا کل تک 9اگست کےحوالےسےنیانوٹیفیکیشن جاری کردیا جائے گا جس میں آسانیاں بھی دی جائیں گی۔

سندھ حکومت کے ترجمان بیرسٹر مرتضیٰ وہاب کا کہنا تھا کہ ایک ہفتہ پہلےسندھ میں 50سے55ہزارویکسی نیشن ہورہی تھی، سم بند کرانے کا فیصلہ ویکسی نیشن میں گیم چینجرثابت ہوا، ہمیں اپنی جان کی پرواہ نہیں موبائل سم کی پرواہ ہے، فیصلے کے بعد ویکسی نیشن کو 2لاکھ یومیہ تک پہنچایا۔

بیرسٹر مرتضیٰ وہاب کا کہنا تھا کہ کراچی میں ایک لاکھ 60ہزارافرادنےتین دن میں یومیہ ویکسی نیشن کرائی، اب تک ویکسی نیشن میں ضلع جنوبی اورشرقی آگےرہے، پرامیدہوں کہ ویکسی نیشن کی تعدادمزیدبڑھےگی۔

بیرسٹر مرتضیٰ وہاب نے کہا کہ ہم نےایک دن میں 2لاکھ 90ہزارویکسی نیشن کی جوبڑانمبرہے، جوویکسی نیشن 50ہزارتھی آج وہ 3لاکھ کاہندسہ چھورہی ہے، حیدرآباد، میرپور خاص اورسانگھڑ میں اچھی تعداد میں ویکسی نیشن ہورہی ہے۔

مرتضیٰ وہاب نے کہا کہ ہماری کوشش ہےکہ لوگ ویکسی نیشن لگوانےکےلیےباہرنکلیں، گزارش ہےماسک کوٹھیک طریقےسےپہنیں تاکہ کوروناکےخلاف جنگ جیت سکیں، مخالفت پرنہیں کام کرنے پر یقین رکھتاہوں، ہم لوگوں کی مدد سے تمام کام کریں گے۔

سندھ حکومت کے ترجمان کا مزید کہنا تھا کہ کوشش ہےشہریوں کےتعاون سےشہرمیں مثبت تبدیلی لاسکیں، فیصلہ کیاتھاکہ 9اگست کوصورتحال دیکھ کر فیصلہ کریں گے، کل تک 9اگست کےحوالےسےنیانوٹی فکیشن آجائےگا، نئےنوٹی فکیشن میں آسانیاں بھی دی جائیں گی۔