بہاولنگر:مدرسےمیں استاد کےمبینہ تشدد سےطالبعلم جاں بحق

بہاولنگر کے مدرسے میں استاد کے مبینہ تشدد سے طالبعلم  بحق ہوگیا۔جاں بحق طالب علم کے والد نے پولیس میں مدرسے کے استاد کے خلاف مقدمہ درج کروادیا ہے۔

اس حوالے سے پولیس کا کہنا تھا کہ  بچوں کے والد نے موقف اختیار کیا ہے کہ 2 روز قبل مدرسے سے کال آئی کہ آپ کا بچہ گر کر جاں بحق ہوگیا ہے۔ایف آئی آر کے اندراج میں والد نے بتایا کہ میرا دوسرا بیٹا بھی استاد کے مبینہ تشدد سے زخمی ہوا۔

اس حوالے سے والد کا کہنا تھا زخمی بیٹے ہی نے ہمیں بتایا کہ ہم دونوں بھائیوں پر تشدد کیا گیا، جس سے بھائی جان کی بازی ہار گیا۔پولیس نے بچوں کے والد کی مدعیت میں 6 افراد کے خلاف مقدمہ درج کرکے 3 ملزمان کو گرفتار کرلیا ہے۔