اجازت نہ ملنے پرپی آئی اے نے آج کا کابل فلائٹ آپریشن منسوخ کر دیا 

افغان اتھارٹیز کی جانب سے مقامی لوگوں کا انخلا روکنے کے نئے احکامات سامنے آنے کی وجہ سے پاکستان انٹرنیشنل ائیر لائن نے آج کا کابل فلائٹ آپریشن منسوخ کر دیا۔

ترجمان پی آئی اے نے بتایا کہ ائیرلائن نے آج ایک دن کیلیے کابل کی تمام پروازیں منسوخ کردی ہیں  جب کہ کل کی پروازوں کے حوالے سے اعلان بعد میں کیا جائے گا۔

ایوی ایشن ذرائع کا بتانا ہےکہ افغان حکام کی جانب سے مقامی لوگوں کو کابل سے انخلا کی اجازت نہیں دی جارہی جس وجہ سے پہلے سے تیار فہرستوں کے مطابق مسافروں کی بورڈنگ میں دشواری کا خدشہ ہے۔

واضح رہے کہ پی آئی اے کی جانب سے گزشتہ روز کیے گئے اعلان کے مطابق آج فلائٹ آپریشن کے لیے 3 پروازیں کابل جانا تھیں اس آپریشن کے لیے دو بوئنگ777 اور ایک ایئر بس 320 طیارے تیار تھے۔