کراچی کنٹونمنٹ انتخابات۔2 جعلی پولنگ ایجنٹس گرفتار

کراچی:کنٹونمنٹ بورڈانتخابات کی پولنگ کے دوران ریٹرننگ افسرکلفٹن نے کارروائی کرتے ہوئے دو جعلی پولنگ ایجنٹس کو گرفتارکرلیا۔

نجی ٹی وی کے مطابق ریٹرننگ افسر کلفٹن نے وارڈ نمبر 4 سے 2جعلی پولنگ ایجنٹس کوگرفتارکیا ہے جبکہ جعلی پولنگ ایجنٹ لیڈیزپولنگ اسٹیشن کے اندرموجود تھے ۔

واضح رہے کہ ملک بھر میں کنٹونمنٹ بورڈ زکی 206نشستوں پر ووٹنگ کا عمل جاری ہے جو شام پانچ بجے تک بلاتعطل جار ی رہے گا جبکہ اس موقع پر سیکیورٹی کے سخت انتظامات کیے گئے ہیں۔

کراچی میں سب سے زیادہ 6 کنٹونمنٹ ہیں، 42 وارڈز ہیں، کوئی بھی جماعت تمام سیٹوں پرامیدوار نہ اتار سکی ، تحریک انصاف نے سب سے زیادہ 41 امیدوار میدان میں اتارے ہیں ، پیپلز پارٹی 40، جماعت اسلامی 38، ایم کیو ایم کے 32 امیدوار ہیں۔ پی ایس پی 27، ن لیگ کے 22 امیدوار، 108 آزاد امیدوار بھی مدمقابل ہیں۔