ڈالرکی اونچی اُڑان۔تاریخ کی بلند ترین سطح کو چھو گیا

جمعرات 23 ستمبر 2021, 5:12 شام کامرس

اسلام آباد:ملک بھر میں روپے کے مقابلے میں ڈالرکی قدرکی اُڑان کا سلسلہ جاری ہے۔ امریکی کرنسی تاریخ کی بلند ترین سطح کو چھو گئی۔

اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے چوتھے کاروباری روز کے دوران انٹر بینک میں روپے کے مقابلے میں امریکی ڈالر 35 پیسے مہنگا ہو گیا اور قیمت 168 روپے 68 پیسے سے بڑھ کر 169 روپے 03 پیسے ہو گئی۔