پاک فضائیہ کے تین ایئر آفیسرز کی ائیر مارشل کے عہدے پر ترقی

اسلام آباد:پاک فضائیہ کے تین ایئر آفیسرز کو ائیر مارشل کے عہدے پر ترقی د ے دی گئی ۔

ترجمان پاک فضائیہ کے مطابق ائیر مارشل کے عہدے پر ترقی پانے والوں میں ائیر مارشل چوہدری احسن رفیق ، ائیر مارشل وقاص احمد سلہری اور ائیر مارشل احمد حسن شامل ہیں ۔

ترجمان پاک فضائیہ کے مطابق ائیر مارشل چوہدری احسن رفیق ڈائریکٹر جنرل ائیر فورس اسٹریٹجک کمانڈ رہ چکے ، ائیر مارشل وقاص احمد سلہری ڈائریکٹر جنرل پراجیکٹس تعینات رہ چکے ہیں جبکہ ائیر مارشل احمد حسن اس وقت ڈپٹی چیف آف ایئر سٹاف انجینئرنگ تعینات ہیں ۔

ترجمان پاک فضائیہ کے مطابق شاندار خدمات پر ائیر مارشل احسن رفیق کو ستارہ امتیاز ملٹری سے نوازا جا چکا ہے ۔ ائیر مارشل وقاص سلہری کو ستارہ امتیاز ملٹری اور ائیر مارشل احمد حسن کو ہلال امتیاز ملٹری سے نوازا جا چکا ہے ۔