مسلم لیگ ن لاہورکے صدر پرویز ملک انتقال کرگئے

لاہور: مسلم لیگ ن لاہورکے صدر پرویز ملک انتقال کر گئے ، نجی ٹی وی نے خاندانی ذرائع کے حوالے سے پرویز ملک کے انتقال کی خبر کی تصدیق کی ۔

نجی ٹی وی کے مطابق خاندانی ذرائع نے بتایا کہ مسلم لیگ ن لاہور کے صدر پرویز ملک طویل عرصہ سے علیل تھے , آج دل کا دورہ پڑنے پر انہیں ہسپتال منتقل کیا گیا مگر وہ جانبر نہ ہو سکے اورکچھ دیر قبل انتقال کرگئے ۔

پرویز ملک پانچ مرتبہ ممبر  قومی اسمبلی کے رکن منتخب ہوئے ، انہوں نے پہلی مرتبہ 1997 میں پاکستان مسلم لیگ ن کی ٹکٹ پرالیکشن جیتا، اس کے بعد سال 2002 کے عام انتخابات میں معرکہ مارا ۔  وہ سال 2010 کے ضمنی الیکشن میں بھی رکن قومی اسمبلی منتخب ہوئے، انہوں نے سال 2013 اور 2018 کے عام انتخابات میں بھی عوام کا اعتماد جیتا۔