آرمی چیف نے قومی ٹیم کو مبارکباد پیش کردی

راولپنڈی:آئی سی سی ٹی ٹوئنٹی ورلڈ کپ میں بھارت کے خلاف فتح حاصل کرنے پر چیف آف آرمی اسٹاف جنرل قمر جاوید باجوہ نے قومی ٹیم کو مبارکباد پیش کردی ۔

پاک فوج کے ترجمان ادارے (آئی ایس پی آر)کی جانب سے جاری بیان کے مطابق آرمی چیف جنرل قمر جاوید باجوہ نے کہا کہ قومی کرکٹ ٹیم نے بھارت کے خلاف زبردست کامیابی حاصل کی اور قومی ٹیم نے ہمارا سر فخر سے بلند کردیا ۔

واضح رہے کہ میگا ایونٹ کے پہلے میچ میں پاکستان نے بھارت کو دس وکٹوں سے تاریخی شکست دے کر تاریخی کامیابی حاصل کی ۔