بیک وقت پیدا ہونے والے سات بچوں میں سے چھ انتقال کرگئے

ایبٹ آباد میں بیک وقت پیدا ہونے والے سات بچوں میں سے چھ انتقال کرگئے ۔

نجی ٹی وی کےایبٹ آباد کے نجی اسپتال میں بیک وقت پیدا ہونے والے سات بچوں میں سے چھ انتقال کر گئے ہیں۔ایوب ٹیچنگ اسپتال کے ترجمان کا کہنا ہے سات میں سے چھ بچے فوت ہوگئے ہیں جبکہ زندہ رہ جانے والے بچےکی حالت تشویشناک ہے۔

انہوں نے کہا کہ بچے کا موجودہ وزن ایک کلو ہے۔ایوب ٹیچنگ اسپتال میں بچے کو تمام تر ضروری سہولیات دی جا رہی ہیں۔واضح رہے کہ چند روز قبل قدرت کا کرشمہ ہوا تھا۔ ایبٹ آباد میں خاتون کے ہاں ایک ساتھ 7 بچوں کی پیدائش ہوئی تھی۔ بتایا گیا کہ خیبرپختونخواہ کے ضلع ایبٹ آباد میں واقع ایک نجی ہسپتال میں اللہ نے خاتون کو ایک ساتھ 7 بچوں سے نواز دیا۔

میڈیا رپورٹس کے مطابق ایبٹ آباد کے نجی ہسپتال میں 34 سالہ خاتون کے ہاں 7 بچوں کی پیدائش ہوئی، پیدائش کے بعد ڈاکٹرز نے خاتون اور تمام بچوں کو صحت مند قرار دیا۔ بتایا گیا کہ نومولود بچوں میں 4 بیٹے اور 3 بیٹیاں شامل جبکہ خاتون کی پہلے بھی 2 بیٹیاں ہیں۔ ایک ساتھ 7 بچوں کو جنم دینے والی خاتون کا تعلق ضلع بٹگرام سے ہے۔