پاکستانی معروف اداکارسہیل اصغرانتقال کرگئے

پاکستان شوبز انڈسٹری کے سینئر اداکار سہیل اصغر انتقال کر گئے۔اس حوالے سے اہل خانہ کا کہنا تھا کہ اداکار سہیل اصغر ڈیڑھ سال سے بیمار تھے اور گزشتہ ایک ہفتے سے اسپتال میں زیرِ علاج تھے۔اداکار سہیل اصغر کی نماز جنازہ کل بعد نماز عصر ادا کی جائے گی۔

پاکستانی معروف اداکار سہیل اصغر پاکستانی مزاح کار، اسٹیج اور ٹی وی اداکار تھے، اُنہوں نے لاہور سے اپنے کریئر کا آغاز کیا۔

سہیل اصغر نے 1978 سے 1988 تک ریڈیو میں کام کیا، سہیل اصغر نے ریڈیو کے بعد تھیٹر پر اداکاری شروع کی۔اُنہوں نے لاہور میں تیار کیے جانے والے مزاحیہ اسٹیج ڈراموں سے بنیادی شہرت حاصل کی۔

اُن کے مشہور ٹی وی ڈراموں میں لاگ، خدا کی بستی، کاجل گھر، دکھ سکھ ، حویلی، ریزہ ریزہ، پیاس، چاند گرہن اور دیگر ڈرامے شامل ہیں۔اِس کے علاوہ 2003 میں اُنہوں نے پہلی مرتبہ چھوٹی اسکرین سے بڑی اسکرین پر قدم رکھا اور فلم ’مراد ‘ میں اپنی اداکاری کے جوہر دکھائے، اُس کے بعد اُنہوں نے فلم ’ماہ نور‘ میں بھی کام کیا۔