ڈیری فارمزنے اچانک دودھ کی قیمت میں اضافہ کردیا

کوئٹہ: صوبائی دارالحکومت میں ڈیری فارمزنے اچانک 20 روپے فی لیٹر اضافہ کردیا۔

ڈیری فارمرز کا کہنا ہے کہ جانوروں کے چارے اوراجناس کی قیمتوں میں کئی گنا اضافہ ہوچکا ہے جس کے بعد دودھ کی فی لیٹر قیمت 140 روپے مقررکی جارہی ہے۔

دوسری جانب ضلعی انتظامیہ نے ڈیری فارمرز کو تنبیہ کرتے ہوئے سرکاری نرخ کی خلاف ورزی پر کارروائی کا اعلان کیا ہے۔ادھر کراچی میں بھی دودھ کی قیمتیں آسمان پر ہیں اور شہر میں دودھ فی لیٹر 140 روپے میں فروخت کیا جارہا ہے۔کمشنر کراچی کی ریٹ لسٹ میں دودھ کی فی لیٹر قیمت بدستور 94 روپے موجود ہے جس پر شہر بھر میں کوئی عملدرآمد نہیں ہورہا۔