موسم سرما کی چھٹیاں 3 جنوری سے کرنے کا فیصلہ

اسلام آباد:این سی او سی نے سردیوں کی چھٹیوں کو ری شیڈول کرتے ہوئے 3 جنوری سے کرنے کا فیصلہ کرلیا۔

نجی ٹی وی کے مطابق  موسم سرما کی تعطیلات کے حوالے سے این سی او سی کا خصوصی اجلاس  وفاقی وزیر اسد عمرکی زیر صدارت ہوا، اجلاس میں موسم سرما کی تعطیلات کو ری شیڈول کرنے کا معاملہ زیرغورآیا۔

اجلاس میں فیصلہ کیا گیا کہ شدید سردی اور دھند والے علاقوں کے علاوہ ملک بھر کے تعلیمی اداروں میں موسم سرما کی تعطیلات آئندہ سال 3جنوری دی جائیں گی، وفاقی تعلیمی اداروں میں 3 سے 9 جنوری تک چھٹیاں ہوں گی، جبکہ دھند والےعلاقوں میں چھٹیوں کا فیصلہ صوبائی حکومتیں خود کریں گی۔ ذرائع کا کہنا ہے کہ اسلام آباد میں عملی طور پر یکم جنوری سے چھٹیاں شروع ہوجائیں گی۔