27 فروری کواسلام آباد میں جمع کچرا صاف کریں گے۔ بلاول بھٹو

پاکستان پیپلز پارٹی کے چیئرمین بلاول بھٹو زرداری نے کہا کہ 27 فروری کواسلام آباد میں جمع ہونے والا کچرا صاف کریں گے۔

لاڑکانہ میں تقریب سے خطاب کرتے ہوئے بلاول بھٹو زرداری نے کہا کہ ہر شہر کی طرح لاڑکانہ میں بھی کچرے کے مسائل تھے، پتہ چلا کہ قائد عوام کے دور سے اب تک لاڑکانہ کی آبادی میں اضافہ ہوا جب سے مرتضیٰ وہاب کو کراچی کا ایڈمنسٹریشن بنایا، وہاں بہتری آئی ہے اب لاڑکانہ میں گھروں سے کچرا اٹھایا جائے گا عوام تعاون کریں مل کراپنے شہر کو صاف کریں گے۔

بلاول بھٹو زرداری نے کہا کہ کچھ سیاسی عناصر موجود ہیں، جو سازشیں کرتے ہیں، ہمیں اپنا کام جاری رکھنا ہے جب کہ 27 فروری کو نکلیں گے اسلام آباد میں جمع شدہ کچرے کو بھی صاف کریں گے۔

بلاول بھٹو نے کہا کہ پی ٹی آئی حکومت ظالم حکومت ہے، عوام کی طاقت سے حکمرانوں سے جان چھڑائیں گے،پوری کوشش ہوگی غریب کو اس کا حق دیا جائے۔