پاک چین اعلیٰ فوجی قیادت کی بیجنگ میں ملاقات

اسلام آباد:پاکستان اورچین کی اعلیٰ فوجی قیادت کی بیجنگ میں ملاقات ہوئی، پاکستانی وفد کی قیادت آرمی چیف جنرل قمرجاوید باجوہ نے کی۔ ملاقات کے دوران عالمی اورعلاقائی سیکیورٹی کی صورتحال پربات چیت ہوئی۔

آئی ایس پی آرکے مطابق وفد نے9 سے 12 جون تک چین کا دورہ کیا اورچینی عسکری اورحکومتی حکام سے تفصیلی بات کی، جنرل قمرجاوید باجوہ کی سربراہی میں وفد نے پاک چائنہ جوائنٹ ملٹری کوآپریشن کمیٹی اجلاس میں بھی شرکت کی،اجلاس میں بین الاقوامی وعلاقائی سیکیورٹی صورتحال پرغوراوردفاعی تعاون پراطمینان کا اظہارکیا گیا ۔

کمیٹی اجلاس میں اسٹرٹیجک شراکت داری جاری رکھنے اورباہمی مفاد کے تناظر میں وفود کے تبادلے پربھی اتفاق کیا گیا، اس موقع افواج کے درمیان تربیت، ٹیکنالوجی اور انسداد دہشت گردی کے شعبہ میں تعاون بڑھانے کے عزم کا بھی اعادہ کیا گیا۔