سولر پینلزخریدنے کا الزام ۔سلمان شہباز نے عمران اسماعیل کو وٹس بھجوا دیا

لاہور:وزیراعظم شہبازشریف کے بیٹے سلمان شہباز نے عمران اسماعیل کو سولر پینلزخریدنے کے الزام پر قانونی نوٹس بھجوا دیا۔

تفصیلات کے مطابق سابق گورنر سندھ عمران اسماعیل کی جانب سے سولر پینلز خریدنے کے حوالے سے لگائے گئے الزام پر شریف گروپ آف کمپنیزنے بیان جاری کردیا ۔

شریف گروپ آف کمپنیز کا کہنا ہے کہ عمران اسماعیل کا وزیر اعظم کے بیٹے سلیمان شہباز پر الزام لغو اور بے بنیاد ہے، سابق گورنر سندھ نے شہباز شریف کے بیٹے سے معافی نہ مانگی تو قانونی کارروائی کی جائے گی۔ بیان میں مزید کہا گیا ہے کہ سلیمان شہباز کا سولر پینلز کا کوئی کاروبار نہیں۔ ان کی کسی کمپنی کا بھی سولر پینلز کی درآمد یا ایسے کسی کاروبار سے کوئی واسطہ نہیں ہے۔

PTI's @ImranIsmailPTI gets slapped by a defamation notice from @SulemanSharif82 after he falsely claimed that the premier's son was providing solar panels to the government.

Suleman Sharif denied the allegations and has taken legal action against these frivolous claims. pic.twitter.com/AdVpVzdsdJ

— Hamza Azhar Salam (@HamzaAzhrSalam) July 6, 2022

واضح رہے کہ گزشتہ دنوں عمران اسماعیل نے ٹوئٹر پر بیان جاری کرتے ہوئے الزام لگایا تھا کہ وزیراعظم شہباز شریف کے بیٹے سلیمان شہباز کی کمپنی سے سرکاری عمارتوں کیلیے سولر پینلزخریدے جائیں گے۔

ترجمان شریف گروپ آف کمپنیزنے کہا ہے کہ بے بنیاد الزامات پی ٹی آئی کی پروپیگنڈا ٹیم کی گھناونی مہم کا حصہ ہے۔