اسلام آباد:وزیراعظم شہباز شریف نے کہا ہے کہ تحریک عدم اعتماد سے متعلق سپریم کورٹ کے تفصیلی فیصلے نے عمران خان کا جھوٹ بے نقاب کردیا ۔
سماجی رابطے کی ویب سائٹ ٹویٹرپر پیغام میں وزیراعظم شہباز شریف نے تحریک عدم اعتماد کے حوالے سے سپریم کورٹ کے تفصیلی فیصلے پراپنے ردعمل کا اظہار کرتے ہوئے کہا ہے کہ معزز سپریم کورٹ کے تفصیلی فیصلے نے عمران خان کے جھوٹ اور پروپیگنڈے کو بے نقاب کردیا ہے۔
Honourable Supreme Court's detailed judgement on Vote of No Confidence exposes the lies & propaganda indulged in by Imran Khan & Co. Utterly shameful how IK tried to undermine the Constitution & manufactured the lie of "regime change". The judgement is a must read for everyone.
— Shehbaz Sharif (@CMShehbaz) July 14, 2022
انہوں نے مزید کہا کہ عمران خان نے آئین شکنی کرتے ہوئے حکومت کی تبدیلی کو جس طرح سازشی بیانیے کا رنگ دینے کے لیےجھوٹ گھڑا وہ انتہائی شرمناک ہے، شہباز شریف نے تمام لوگوں سے اپیل کی کہ سب عدالت کا یہ فیصلہ ضرور پڑھیں۔