اللہ آصف زرداری کو زندگی دے مگر اقتدار نہ دے۔فواد چوہدری

اسلام آباد: تحریک انصاف کے رہنما اور سابق وفاقی وزیر فواد چوہدری نے کہا کہ "پیپلزپارٹی کے مہا گرو آصف زرداری صاحب( ن) لیگ کا تختہ ٹھونک کر خود دبئی بیٹھے ہیں، آج آصف علی زرداری صاحب کی سالگرہ ہے ، اللہ انہیں زندگی دے مگر اقتدار نہ دے کیونکہ سندھ والوں کا پہلے ہی برا حال ہے” ۔

سپریم کورٹ کے باہر میڈیا سے گفتگو کرتے ہوئے  فواد چوہدری نے کہ پی ٹی آئی کے منحرف ہونے والے  20 افراد میں سے  18 نے دوبارہ الیکشن لڑا جن میں سے  16 کو یقینی شکست کا منہ دیکھنا پڑا جبکہ  17ویں کا معاملہ زیر سماعت ہے ، کوئی بھی جمہوری ملک ہوتا تو وہ  کہتا کہ جو بھی  پارٹی الیکشن جیتی ہے ، جس کی اسمبلی میں اکثریت ہے وہ  حکومت بنائے لیکن ان لوگوں نے یہاں بہت گند ڈالا ہے ،  انہوں نے  سٹریٹجی اپنائی کہ سارا الزام عدلیہ پر ڈال دیں ، صرف عدالت میں لڑنا نہیں ہوتا کوئی تکنیک اوردلیل بھی ہوتی ہے ۔

 انہوں نے کہا کہ  انہوں نے اسٹریٹجک میڈیا بنائی تھی،ان میں جو احمق لوگ بیٹھے ہوئے ہیں جو کہ  14 صحافی انہوں نے رکھے ہیں، اُنہوں نے پہلے  بھی احمقانہ بیانیہ دے کر اِنہیں مروایا ، اب بھی مروا رہے ہیں ، اُنہوں نے  اِن کو مشورہ دیا کہ ہے کہ آپ اپنی غیر مقبولیت کا   سارا الزام عدلیہ اور فوج پر ڈال دیں ۔