آرمی چیف کا رائل ملٹری اکیڈمی میں خطاب پاکستان کیلئے اعزاز ہے، وزیراعظم

اسلام آباد:وزیراعطم شہباز شریف کا کہنا ہے کہ آرمی چیف جنرل قمر جاوید باجوہ کے برطانیہ میں رائل اکیڈمی ملٹری اکیڈمی سے خطاب پاکستان کیلئے اعزاز ہے۔

ٹوئٹر پیغام میں وزیراعظم کا کہنا تھا کہ آرمی چیف کا خطاب نہ صرف مسلح افواج بلکہ پاکستان کیلئے اعزاز ہے یہ پاک برطانیہ شراکت داری اور دہشتگردی کیخلاف جنگ میں کامیابی کا اعتراف ہے۔

واضح رہے کہ آج رائل ملیٹری اکیڈمی کی پاسنگ آئوٹ پریڈ میں آرمی چیف قمرجاوید باجوہ نے بطور خصوصی شرکت کی۔ جنرل قمرجاوید باجوہ پہلے پاکستانی فوجی سربراہ ہیں جنہوں نے پریڈ میں شرکت کی۔

آرمی چیف نے اپنے خطاب میں کہا کہ پاکستان اوربرطانیہ کے درمیان دفاعی تعلقات قائم ہیں، دونوں ممالک کے تاریخی تعلقات آنے والے وقت میں مزید مستحکم اورمضبوط ہونگے۔