سول ایوی ایشن نے ڈومیسٹک لاؤنج سے پروازوں کی روانگی شروع کردی

کراچی:سول ایوی ایشن نے بیرون ملک جانے والے مسافروں کی سہولت کے لیے ڈومیسٹک لائونج میں ہی امیگریشن سمیت تمام سہولیات فراہم کردیں۔سی اے اے کے مطابق ڈومیسٹک روانگی لائونج سے انٹرنیشنل پروازوں کی روانگی بھی شروع کردی گئی۔ جناح انٹرنیشنل ایئر پورٹ اور علامہ اقبال انٹرنیشنل ایئرپورٹ پر ڈومیسٹک لائونج سے آپریشن کا آغاز کردیا گیا۔

ترجمان سی اے اے کے مطابق ڈومیسٹک لانج سے 775 بین الاقوامی مسافروں کو بھیجا گیا، اقدام سے رش کے اوقات میں بین الاقوامی سائیڈ پر دبا کم ہوگا۔ترجمان نے کہاکہ انٹرنیشنل اور ڈومیسٹک بریفنگ ایریا کے درمیان سلائیڈنگ ڈور نصب کیا گیا ہے، ڈومیسٹک روانگی میں سسٹم کے ساتھ 6 امیگریشن کانٹر قائم کیے گئے ہیں۔