خیرپورمیں مسجد کی چھت گرنے سے 15 افراد جاں بحق

خیرپور: مسجد کی چھت گرنے سے 15 افراد جاں بحق اور 100 سے زائد زخمی ہوگئے۔ افسوسناک واقعہ خیرپور کے علاقے احمد پور کے قریب واقع پینہارگوٹھ کی مسجد میں صبح 7 بجے کے قریب پیش آیا۔مقامی افراد کے مطابق مسجد میں 200 کے قریب افراد موجود تھے، جاں بحق افراد کی تعداد میں اضافے کا خدشہ ہے۔

زخمیوں میں خواتین اور بچے بھی شامل ہیں، کچے مکانوں  میں  بسنےو الے ان تمام افراد نے سیلاب کی تباہ کاریوں سے بچنے کے لئے مسجد میں پناہ لے رکھی تھی۔ متاثرہ علاقے میں  امدادی کارروائیاں جاری ہیں۔