لاہور: سیلاب زدگان سے اظہار یکجہتی کیلیے پاکستان مسلم لیگ ن کی نائب صدر مریم نواز 29 اگست کو جنوبی پنجاب کا دورہ کریں گی۔
پارٹی ذرائع کا کہنا ہے کہ مسلم لیگ ن کی نائب صدر مریم نواز کل صبح 9 بجے لاہور ائیر پورٹ سے ملتان کے لیے روانہ ہوں گی جبکہ انکا دورہ جنوبی پنجاب 4 سے 5 دنوں تک جاری رہے گا۔
مریم نواز دورے کے دوران ملتان، تونسہ اور راجن پور جائیں گی جبکہ ان کے ہمراہ پارٹی کے دیگر رہنماء بھی ہوں گے۔