خیبرپختونخوا کے مختلف حصوں میں زلزلے کے جھٹکے 

پشاور:خیبرپختونخوا کے مختلف شہروں  میں زلزلے کے جھٹکے محسوس کیے گئے ہیں ۔  پشاور،صوابی، ایبٹ آباد، مردان سمیت مختلف حصوں میں زلزلے کے شدید جھٹکے محسوس کیے گئے ۔

اسلام آباد اور گردونواح میں بھی زلزلے کے جھٹکے محسوس کیے گئے ، زلزلے سے لوگوں میں خوف و ہراس پھیل گیا اور وہ کلمہ طیبہ کا ورد کرتے ہوئے گھر سے باہر نکل آئے۔

 امریکی جیولوجیکل سروے کے مطابق ریکٹر اسکیل پر زلزلے کی شدت 5.3 ریکارڈ کی گئی۔  زلزلے سے  کسی جانی و مالی نقصان  کی اطلاع موصول نہیں ہوئی ۔