فردوس عاشق اعوان نے الیکشن کمیشن سے الزامات کے شواہد مانگ لیے

اسلام آباد: ڈسکہ دھاندلی کیس کی انکوائری کے سلسلے میں تحریک انصاف کی رہنما اور سابق وفاقی وزیر فردوس عاشق اعوان نے الیکشن کمیشن سے شواہد مانگ لیے۔

نجی ٹی وی کے مطابق فردوس عاشق اعوان، عثمان ڈار اور عمر ڈار انکوائری کمیٹی کے سامنے پیش ہوئے ۔ اس موقع پر فردوس عاشق اعوان نے انکوائری کمیٹی کے سامنے درخواست دائر کردی، جس میں الیکشن کمیشن سے سوال نامہ فراہم کرنے کا مطالبہ کیا گیا ہے۔

فردوس عاشق اعوان نے درخواست میں مؤقف اختیار کیا کہ ڈسکہ دھاندلی کے حوالے سے مجھے پہلے کسی انکوائری میں نہیں بلایا گیا۔ انہوں نے انکوائری کمیٹی سے الزامات کے شواہد مانگ مانگتے ہوئے کہا کہ گزشتہ انکوائری میں مجھ سے متعلق کیا ریکارڈ جمع کرایا گیا، اس کا  علم نہیں۔

پی ٹی آئی رہنما نے کہا کہ الیکشن کمیشن تحریری طور پر الزامات سے آگاہ کرے تو دفاع پیش کروں گی۔ اس موقع پر عثمان ڈار اور عمر ڈار نے بھی تحریری جواب انکوائری کمیٹی کو جمع کرادیا۔