سوات میں گاڑی پر بم حملہ، امن کمیٹی ممبر سمیت 5 افراد جاں بحق

سوات میں کبل کے علاقے برہ بانڈئی کوٹکے میں دھماکا ہوا ہے جس کے نتیجے میں 5 افراد جاں بحق اور متعد زخمی ہوئے ہیں۔

ذرائع کے مطابق سوات کے علاقے برہ بانڈئی میں امن کمیٹی کے ممبر کی گاڑی کو نشانہ بنایا گیا، بم حملے میں گاڑی تباہ ہوگئی۔

حملے میں امن کمیٹی کے ممبر ادریس خان سمیت 5 افراد جان سے ہاتھ دھو بیٹھے، جاں بحق افراد میں 2 پولیس اہلکار بھی شامل ہیں۔

پولیس کا کہنا ہے کہ ابتدائی اطلاعات کے مطابق دھماکا ریموٹ کنٹرول کے ذریعے کیا گیا۔