موسم کی خرابی،وزیراعظم کا طیارہ میانوالی سے واپس اسلام آباد پہنچ گیا

اسلام آباد: موسم کی خرابی،وزیراعظم کا طیارہ میانوالی سے واپس اسلام آباد پہنچ گیا۔ وزیراعظم شہباز شریف خصوصی طیارے پر اسلام آباد سے ٹانک روانہ ہوئے لیکن وزیراعظم شہباز شریف کو موسم کی خرابی کی وجہ سے میانوالی سے اسلام آباد واپس آنا پڑا۔

وفاقی وزیر اطلاعات، مسلم لیگ ن کی رہنما مریم اورنگزیب کا کہنا ہے کہ وزیراعظم نے سیلاب متاثرہ علاقوں کے دورے پر پہلے میانوالی اور پھر ٹانک جانا تھا وزیراعظم شہباز شریف نے ٹانک میں تعمیر شدہ 100 گھروں کا افتتاح کرنا تھا وزیراعظم نے اپنے ٹانک کے گزشتہ دورے میں متاثرین کے لئے گھروں کی تعمیر کا وعدہ کیا تھا .موسم کی خرابی کی وجہ سے وزیراعظم کو میانوالی سے اسلام آباد جانا پڑا وزیراعظم نے ہوائی اڈے پر سیلاب سے متعلق جائزہ اجلاس طلب کر لیا.وزیر اعظم ریسکیو اور ریلیف کے کاموں سے متلعق تازہ ترین معلومات حاصل کریں گے وزیراعظم ہوائی اڈے پر سیلاب سے متعلقہ اجلاس کے بعد لندن روانہ ہوں گے