بحرین جانے والے مسافر کے پیٹ سے چرس کے 110 کیپسول برآمد

اسلام آباد ایئرپورٹ پراے ایس ایف نے منشیات اسمگلنگ کی کوشش ناکام بنادی۔

منگل کی صبح  ائیرپورٹ سیکیورٹی فورس نے چرس سے بھرے کیپسول نگل کراسلام آباد سے بحرین جانے والے ملزم کوگرفتارکرلیا۔

خیبر پختونخوا کے قبائلی ضلع خیبرسے تعلق رکھنے والے ملزم نے 110 چرس بھرے کیپسول نگل رکھے تھے۔ ملزم کو اسپتال منتقل کرکے چرس سے بھرے کیپسول برآمد کر لیے گئے۔

اے اين ايف نے بتایا کہ ملزم سے برآمد کیپسولز سے636 گرام چرس برآمد کرلی گئی۔ملزم کے خلاف ایف آئی آر درج کرکے تفتیش شروع کردی گئی ہے۔