پی ٹی آئی لانگ مارچ: اسلام آباد پولیس الرٹ،شہریوں کو انتباہ جاری

اسلام آباد: وفاقی دارالحکومت اسلام آباد میں امن و امان (لا اینڈ آرڈر) کی صورتحال کو برقرار رکھنے کے لیے پولیس کو الرٹ کردیا گیا ہے۔

اسلام آباد پولیس کے ترجمان کا کہنا ہے کہ پولیس اور انتظامیہ اس وقت صبر و تحمل کا مظاہرہ کر رہی ہے لیکن کسی بھی ممکنہ صورتحال سے نمٹنے کے لیے پولیس کی قیدی وینیں منگوا لی گئی ہیں۔

اسلام آباد پولیس کے ترجمان نے واضح طور پر کہا ہے کہ تشدد کا راستہ اپنانے اور قانون کو ہاتھ میں لینے کی کوشش کرنے والوں کے خلاف قانونی کارروائی کی جائے گی۔