سیاحت کا شعبہ ملکی ترقی کیلئے اہم ہے۔ قومی کانفرنس

انٹرنیشنل یونین آف فوڈ ورکرز کے ڈاٸریکٹر جنوبی ایشیا قمر الحسن نے کہا ہے کہ سیاحت کا شعبہ ملک کی معیشت کی بہتری اور غربت کے خاتمے کے لیے اہم کردار ادا کرسکتا ہے۔ ضرورت اس بات کی ہےکہ حکومت سنجیدگی سے متعلقہ شعبے کا انفراسٹریکچر بہتر بناٸے اور تمام سہولیات سیاحاتی مراکز تک فراہم کرے اور اس شعبے میں کام کرنے والے کارکنان کے لیے بنیادی پیشہ ورانہ تربیت کا انتظام کرے تاکہ ان علاقوں میں رہنے والے افراد باعزت روزگار حاصل کر سکیں۔ یہ بات انھوں نے مقامی ہوٹل عالمی یوم سیاحت کے موقع پر ایک قومی کانفرنس سے خطاب کرتے ہوٸے کہی ۔

ان کا کہنا تھا کہ پاٸیدار سیاحت کو فروغ دینے کے لیے ضروری ہے کہ اس شعبے میں کام کرنے والے کارکنان کو بنیادی حقوق حاصل ہوں ۔ماہر ماحولیات راشدہ دوھاد نے اپنے خطاب میں کہا کہ ماحولیات کی تبدیلی کی وجہ سے آنے والے سیلاب نے سیاحتی علاقوں میں بڑے پیمانے پر تباہی ہوٸی ہے جس کے باعث کاروبار متاثر ہوا ہے ضرورت اس امر کی ہے کہ ٹورازم کی پالیسی بناتے وقت ماحولیاتی تبدیلی کو مد نظر رکھتے ہوٸے مستقبل کی حکمت عملی تیار کی جاٸے۔

سابق سینڑل لیبر ایڈواٸزر ڈاکٹر جاوید گل نے صحت اور تحفظ پر اظہار خیال کرتے ہوٸے کہا کہ کام کی جگہ پر کارکنان کی صحت اور سلامتی اس شعبے میں انتہاٸی اہمیت کے حامل ہے۔ متحدہ لیبر فیڈریشن خیبر پختون خواہ کے صدر محمد اقبال نے کہا کہ مزدوروں کے ویلفیر قوانین کا داٸرہ کار سیاحتی کارکنان تک پھیلانا ہوگا تاکہ اس شعبے کے کارکنان کو سماجی تحفظ حاصل ہوسکے۔ سنیٸر صحافی شاہد غزالی نے سیاحت کے فروغ میں میڈیا کے کردار پر روشنی ڈالتے ہوٸے کہا کہ میڈیا ایک آٸینہ کی طرح معاشرے کی عکاسی کرتا ہے ۔تنقید کو اصلاح کے لیے استعمال کیا جانا چاہیے

ملک کے سیاحتی علاقوں میں حکومت کو بہتر اقدامات کرنا چاہیے تاکہ ملک اور عالمی سطح پر بہ
سیاحوں میں ایک بہتر تاثر پہنچے۔ کانفرنس میں ایک قرارداد میں مطالبہ کیا گیا کہ ایک پاٸیدار اور ذمہ دارانہ سیاحت صرف بہتر کام کے حالات ، اجرت کے نظام کو یقینی بنانے ، لیبر قوانین کے نفاذ ، صحت اور تحفظ کے اقدامات اور اس شعبے سے وابستہ تمام کارکنان کے لے ایک جامع سماجی تحفظ کے ساتھ ہی حاصل کی جاسکتی ۔ مزدروں کے ممتاز وکیل سرور چانڈیو نے کہا کہ ہوٹل انتظامیہ کارکنان کو انکے حقوق دینے کے بجاٸے اربوں روپے وکلا پر خرچ کرتی ہے اگر وہ کارکنان کو انکا حق دے دیں تو یہ انکے لیے مہنگا سودا نہیں۔ ہوٹل فیڈریشن کے رہنما غلام محبوب نے شرکا کانفرنس کا شکریہ ادا کیا۔