فواد چوہدری کا سیکورٹی گارڈ اغواء

اسلام آباد: پاکستان تحریک انصاف کے رہنما فواد چوہدری نے دعویٰ کیا ہے کہ گزشتہ رات انکے سیکیورٹی گارڈ کو ایجنسیز والے اٹھا کرلے گئے۔ اس پر تشدد کیا گیا اور وڈیوز بنائی گئیں۔

تحریک انصاف کے رہنما سابق وفاقی وزیر فواد چوہدری نے نجی ٹی وی سے گفتگو میں دعویٰ کیا کہ کل رات میرے سیکیورٹی گارڈ کو ایجنسیز والے اٹھا کر لے گئے جبکہ اس پر تشدد بھی کیا گیا ہے۔

سابق وفاقی وزیراطلاعات و نشریات نے کہا کہ مجھے گارڈ نے بتایا کہ اسے کوئی اٹھا کرلے گیا۔ اس پر تشدد کیا گیا اور وڈیوز بنائی  تاہم پتہ نہیں وہ انٹیلی جنس بیورو (آئی بی ) والے تھے یا کسی اورایجنسی  کے  لوگ تھے ۔

کل رات میرے گارڈ کو ایجنسیز والے اٹھا کر لے گے اور تشدد کیا، اسکی ویڈیوز بنائی اور کہا ہمارے ساتھ پیسے طے کریں اور صبح و شام آپ نے انفارمیشن دینی ہے۔ وہ بندے پہچان لیے ہیں، ان کا تفصیلی ڈیٹا بھی آ جائے گا، میں ان کو گھر تک چھوڑ کر آؤں گا۔@fawadchaudhry pic.twitter.com/VYgEmovt81

— Fawad Chaudhry (Updates) (@FawadPTIUpdates) September 27, 2022

پی ٹی آئی کے رہنما نے دعوی ٰ کیا کہ گارڈ کو اٹھانے والوں نے اسے  میری انفارمیشن فراہم کر نے کے عوض  پیسے دینے کا کہتے ہوئے کہا کہ صبح و شام کی مکمل معلومات دینی ہے ۔

انہوں نے کہاکہ ہماری ایجنسیز اسی طرح کے کاموں میں مصروف ہیں مگر میرے گارڈ نے ان لوگوں کو پہچان لیا ہے تاہم ابھی پتہ نہیں وہ کون سی ایجنسی کے لوگ تھے ۔

پی ٹی آئی رہنما نے کہا کہ تصویریں آجائیں گی تو نادرا سے ان کی پہچان ہوجائے گی۔ فواد چوہدری نے کہا کہ اس معاملے کو پایہ تکمیل تک پہنچاؤں گا ۔

فواد چوہدری نے کہا کہ سپریم کورٹ بار اور لاہور بار ایسوسی ایشن سے اس حوالے سے بات کرونگا کہ اس حوالے سے ان کی بھی کوئی ذمہ داری ہے  یا نہیں  ہے ۔