کراچی میں فائر بریگیڈ آفس کے اندر فائرنگ ، 2 اہلکارجاں بحق

کراچی ( اُمت نیوز)کراچی کے علاقے کورنگی بلال چورنگی کے قریب فائرنگ کا واقعہ پیش آیا ہے۔ فائرنگ کے نتیجے میں 2 ملازم جاں بحق اور ایک زخمی ہوگیا ہے، چوتھا ملازم جان بچا کر فرار ہوگیا ،
ایس ایس پی کورنگی کے مطابق ملزمان واردات کے بعد باآسانی فرار ہوگئے۔حملہ آوروں کی تعداد 2 تھی۔
واقعہ کے عینی شاہد کے مطابق وہ آپریٹر ڈیوٹی پر تھا جبکہ محبوب گارڈ کی ڈیوٹی پر تھا کہ اس دوران 2 ملزمان آئے جن کے ہاتھ میں پستول تھا۔
ملزمان نے محبوب سے پوچھا کہ باقی لوگ کہاں ہیں اس نے کہا اندر ہیں جس کے بعد ایک ملزم عامر قریشی اور ارشاد کو اندر سے لیکر آیا۔
زخمی فائر مین محمد ارشاد نے بتایا کہ ہمیں اکٹھا کرکے نشانہ بنایا گیا۔