کراچی:نیب کراچی کے ہائی پروفائل کیسز کی پیروی کرنے والے 2پراسیکیوٹرز نے استعفیٰ دے دیا  ہے ، نیب پراسکیوٹر ریاض عالم ،شہباز زسہوترا نے استعفے نیب ہیڈ کوارٹرز بھیج دیئے ہیں۔

نجی ٹی وی کے مطابق ریاض عالم کا استعفیٰ منظور کر لیا گیا ہے، دونوں پراسیکیوٹرز احتساب عدالتوں ، سندھ ہائیکورٹ میں ہائی پروفائل کیسز کی پیروی کر رہے تھے ، دونوں پراسیکیورٹرز 4سال سے نیب میں فرائض انجام دے رہے تھے، لیکن اب دونوں پراسیکیوٹرز نے مزید کام کرنے سے انکار کر دیا ہے ، دونوں پراسیکیوٹرز نے استعفوں کی تصدیق کر دی ہے۔