پشاوراوربلوچستان میں ٹائیفائیڈ سے بچاؤکے ٹیکے لگانے کی مہم کا آغاز

پشاور: پشاور اوربلوچستان کی 153  یونین کونسلوں میں ٹائیفائیڈسے بچاؤ کے ٹیکے لگانے کی مہم آج سے  شروع ہو گئی ہے جو بارہ روز جاری رہے گی۔

تفصیلات کے مطابق اس مہم کے پہلے مرحلے کے دوران پشاورمیں نو ماہ سے پندرہ برس تک کی عمر کے آٹھ لاکھ بچوں کو ٹائیفائیڈبخارسے بچاو کی ویکسین لگائی جائے گی ۔ ٹائیفائیڈ سے بچاو کی مہم کو خصوصی طور پر ویکسی نیشن مہم کا حصہ بنایا گیا ہے جو اس ماہ کی پندرہ تاریخ تک جاری رہے گی۔

پشاور میں پانچ سال تک کی عمر کے بچوں کو پولیو سے بچاو کے قطرے بھی پلائے جائیں گے۔

پشاورکی ضلعی انتظامیہ نے والدین پر زور دیا ہے کہ وہ اپنے بچوں کوقریبی ویکسی نیشن مراکز یا بنیادی صحت مراکزپرویکسین لگوانے کے لئے لائیں تاکہ وہ اس مرض سے محفوظ رہیں۔

ادھرمحکمہ صحت بلوچستان نے تمام شراکت داروں ،سول سوسائٹی اور ذرائع ابلا غ پرزوردیاہے کہ وہ اس مہم میں اپناکرداراداکرے۔