منگورہ میں فورسز سے جھڑپ میں 2 شدت پسند ہلاک

مینگورہ(اُمت نیوز)مینگورہ شہر کے علاقے بائی پاس روڈ پر سیکیورٹی فورسز کی کارروائی کے نتیجے میں 2 دہشت گرد ہلاک، کیپٹن سمیت3سیکیورٹی اہلکار زخمی ہوگئے۔

 

تفصیلات کے مطابق سکیورٹی ذرائع کے مطابق سوات کے علاقے مینگورہ بائی پاس پر شدت پسندوں کی موجودگی کی اطلاع پر سکیورٹی فورسز نے کارروائی کی جس دوران فورسز اور شدت پسندوں کے درمیان فائرنگ کا تبادلہ ہوا جس کے نتیجے میں 2 شدت پسند ہلاک ہوگئے۔

ذرائع نے بتایا کہ شدت پسندوں سے فائرنگ کے مقابلے میں 4 سکیورٹی اہلکار بھی زخمی  ہوئے، بتایا جاتاہےکہ فائرنگ کے تبادلے میں چند راہ گیر  بھی فائرنگ کی زد میں آکر زخمی ہوئے ہیں۔ زخمیوں کو مقامی  استپال سیدو شریف منتقل کردیا گیا۔جبکہ متاثرہ علاقے میں سیکورٹی سخت کرکے سرچ آپریشن شروع کردیا گیا  ہے۔