صداقت وامانت کا بُت پاش پاش ہوگیا۔شہباز شریف
قانون سے لڑنے، گولیاں، ڈنڈے چلانے، فسادی جتھے لانے کے بجائے قانون کے سامنے سر جھکائیں۔
قرضوں کی بروقت ادائیگیاں کی جائیں گی۔فائل فوٹو
اسلام آباد:الیکشن کمیشن کی طرف سے پاکستان تحریک انصاف کے چیئرمین اورسابق وزیراعظم عمران خان کو نااہل قرار دیے جانے کے بعد وزیراعظم شہباز شریف نے رد عمل دیتے ہوئے کہا ہے کہ صداقت وامانت کا بُت پاش پاش ہوگیا۔
سماجی رابطے کی ویب سائٹ ٹوئٹر پر اپنے ایک بیان میں وزیراعظم نے لکھا کہ الیکشن کمیشن نے توشہ خانہ ریفرنس میں انصاف کیا، قوم نے دیکھ لیا کہ کرپٹ پریکٹس کرکے وزیراعظم کے منصب کو ذاتی آمدنی کا ذریعہ بنایا گیا۔
الیکشن کمشن نے توشہ خانہ ریفرنس میں انصاف کیا۔ قوم نے دیکھ لیا کہ کرپٹ پریکٹس کرکے وزیراعظم کے منصب کو ذاتی آمدنی کا ذریعہ بنایاگیا۔ “صداقت وامانت” کا بُت پاش پاش ہوگیا۔ قانون سے لڑنے، گولیاں،ڈنڈے چلانے / فسادی جتھے لانے کے بجائے قانون کے سامنے سر جھکائیں۔کوئی قانون سے بالا نہیں
— Shehbaz Sharif (@CMShehbaz) October 21, 2022
انہوں نے مزید لکھاکہ صداقت وامانت کا بُت پاش پاش ہوگیا، قانون سے لڑنے، گولیاں، ڈنڈے چلانے، فسادی جتھے لانے کے بجائے قانون کے سامنے سر جھکائیں، کوئی قانون سے بالا نہیں۔