شارجہ جانیوالے شخص کے پیٹ سے 101 ہیروئن بھرے کیپسول برآمد

 اسلام آباد: پاکستان سے شارجہ جانے والے ایک شخص کے پیٹ سے  ہیروئن کے 101 کیپسول برآمد کرلیے گئے۔ اینٹی نارکوٹکس فورس نے مختلف کارروائیوں میں بھاری مقدار میں منشیات برآمد کرلی۔ اسلام آباد انٹرنیشنل ائرپورٹ پر شارجہ جانے والے ملزم کے پیٹ سے 101 ہیروئن بھرے کیپسول برآمد کرلیے گئے۔

اے این ایف کی ایک دوسری کارروائی میں سیالکوٹ ائرپورٹ پر خاتون کے ٹرالی بیگ سے 1 کلو 10 گرام آئس برآمد ہوئی، جس کے بعد گجرات کی رہائشی خاتون کو بحرین جاتے ہوئے گرفتار کرلیا گیا۔ترجمان کے مطابق اینٹی نارکوٹکس فورس نے منشیات برآمد ہونے پر ملزمان کو گرفتار کرکے مقدمات درج کرلیے ہیں۔