شہدادکوٹ ، مسافر بس ٹریکٹر سے ٹکراگئی،24 مسافر زخمی

شہدادکوٹ(اُمت نیوز)شہدادکوٹ میں مسافر بس ٹریکٹر سے ٹکراگئی، حادثے میں چوبیس افراد زخمی ہوگئے ہیں۔
ریسکیو اہلکاروں کے مطابق 24 مسافروں سے بھری بس شہداد کوٹ سے کراچی جارہی تھی کہ شہداد کوٹ ریلوے اسٹیشن کے قریب ہی مخالف سمت سے آنے والے ٹریکٹر سے ٹکرا گئی۔
حادثے کے دوران بس اور ٹریکٹر سیلابی پانی سے بھرے گڑھے میں الٹ گئے، مسافروں کی چیخ و پکار پر قریبی آبادی سے شہریوں کی بڑی تعداد مدد کیلئے موقع پر پہنچ گئی۔
ریسکیو کے مطابق تمام مسافروں کو نکال کر تعلقہ اسپتال اور چانڈکا اسپتال لاڑکانہ منتقل کردیا گیا جبکہ دو کرینوں کی مدد سے بس اور ٹریکٹر کو بھی گڑھے سے نکال لیا گیا۔
ریسکیو اہکاروں کے مطابق حادثے کے بعد بس اور ٹریکٹر ڈرائیور فرار ہونے میں کامیاب ہو گئے۔