سکیورٹی فورسز کاشمالی وزیرستان میں آپریشن، دہشت گرد ہلاک

شمالی وزیرستان(اُمت نیوز)سیکورٹی فورسز نے شمالی وزیرستان میں خفیہ اطلاعات پر آپریشن کیا جس میں 1 دہشت گرد ہلاک ہوگیا ہے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے ضلع خیبر کے علاقے شلوبر میں انٹیلی جنس کی بنیاد پر آپریشن کیا ہے۔
ترجمان پاک فوج کا کہنا ہے کہ سیکیورٹی فورسز کی دہشت گردوں کی موجودگی پر کارروائی کی، آپریشن کے دوران فائرنگ کے تبادلے میں ایک دہشت گرد مارا گیاہے
آئی ایس پی آر کا یہ بھی کہنا ہے کہ ہلاک دہشت گرد سے اسلحہ اور گولہ بارود بھی برآمد ہواہے۔
آئی ایس پی آر کا مزید کہنا ہے کہ ہلاک دہشت گرد سیکورٹی فورسز کے خلاف دہشت گردی کی کارروائیوں میں سرگرم رہاہے۔