جامشورو کے قریب کار حادثے میں عرب شہزادہ زخمی

جامشورو کے علاقے خانوٹ کے قریب عرب شہزادے کی گاڑی اور مزدا ٹرک میں تصادم ہوا ہے۔ جس کے نتیجے میں  عرب شہزادے سمیت تین افراد زخمی ہو گئے۔

نڈس ہائی وے کوٹری جامشورو سیکشن پر عرب شہزادے کی گاڑی حادثے کا شکار ہوگئی۔ عرب شہزادے کی گاڑی جامشورو سے سیہون کی طرف جارہی تھی  کہ تیزرفتاری کے باعث سامنے سے آنے والی گاڑی سے ٹکرا گئی۔

حادثے کے نتیجے میں گاڑی میں سوار مبارک سالم، عبداللہ گتامی اور سہیل سعید شدید زخمی ہوگئے جنہیں سول اسپتال جامشورو منتقل کردیا گیا۔

ذرائع نے بتایا ہے کہ حادثے میں متحدہ عرب امارات سے تعلق رکھنے والے 2 غیر ملکی شہری اور ان کا پاکستانی ڈرائیور زخمی ہوا ہے۔

ولیس نے بتایا ہے کہ زخمی عبداللّٰہ گوتامی اور مبارک سلام کو فوری طبی امداد کے لیے لیاقت یونیورسٹی اسپتال جامشورو منتقل کر دیا گیا ہے۔موٹر وے پولیس کے مطابق سہیل احمد کو تشویشناک حالت میں کراچی منتقل کردیا گیا۔

پولیس کا یہ بھی کہنا ہے کہ پولیس نے مزدا ٹرک کو اپنی تحویل میں لے کر واقعے کی تحقیقات شروع کر دی ہیں۔

حادثے کے وقت عرب شہزادے کی گاڑی میں شکار کیے گئے نایاب نسل کے پرندے بھی موجود تھے۔ عرب شہزادہ مانجھند کے علاقے میں نایاب ہرن کے شکارکے لیے آیا تھا۔