مدینہ منورہ میں ہنگامہ آرائی ۔ تمام پاکستانیوں کو رہا کرنے کا حکم

ریاض:وزیر اعظم شہباز شریف کی درخواست پر ولی عہد محمد بن سلمان نے مسجد نبوی ﷺ میں ہنگامہ آرائی کے نتیجے میں قید تمام پاکستانیوں کو رہا کرنے کا حکم دیدیا ۔

نجی ٹی وی کے مطابق  وزیر اعظم شہباز شریف نے ولی عہد سے گرفتار پاکستانیو ں کی رہائی کی درخواست کی تھی ، وزیر اعظم نے شہزادہ محمد بن سلمان سے اس معاملے پردرگرز سے کام لینے کی درخواست کی تھی ، جس پرولی عہد نے تمام پاکستانیوں کی رہائی کا حکم جاری کیا ہے ۔

ولی عہد کے حکم کے بعد شہباز شریف نے اظہار تشکرکرتے ہوئے کہا کہ اللہ تعالیٰ آپ کو اس کا اجرعطا فرمائے ، واضح رہے کہ مدینہ منورہ میں ہنگامہ آرائی اورہلڑ بازی کرنے پر مدینہ منورہ کی عدالت نے 3پاکستانیو ں کو 8سال قید جبکہ 3 پاکستانیوں کو 6سال قید کی سزا سنائی گئی تھی ، ایک اور پاکستانی کو بھی 3سال قید اور ساتھ 10ہزار ریال جرمانہ کیا گیا تھا۔