قومی اسمبلی کے حلقہ 45 کرم میں ضمنی الیکشن اتوار کو ہوگا

اسلام آباد: قومی اسمبلی کے حلقہ این اے 45کرم میں ضمنی الیکشن اتوار30اکتوبر کو ہوگا جس کے لئے انتخابی مہم کاوقت ختم ہوگیا۔

تفصیلات کے مطابق این اے 45کرم میںضمنی انتخاب کی پولنگ اتوار 30اکتوبر 2022کو ہوگی۔الیکشن ایکٹ 2017کی دفعہ182کے تحت انتخابی مہم اختتام پذیرہوگئی۔

انتخابی مہم اختتام پذیر ہونے کے بعد کوئی بھی امیدوار انتخابی مہم نہیں چلاسکتا،خلاف ورزی کرنے والے کو 2سال تک قید یا ایک لاکھ روپے تک جرمانہ یا دونوں ہوسکتے ہیں۔