’’عمران خان کو رش میں پھنسا کر بڑا مجمع دکھائیں گے‘‘

اسلام آباد: پاکستان تحریک انصاف (پی ٹی آئی) کے مرکزی رہنما عامر کیانی کی ویڈیو لیک ہو گئی جس میں وہ عمران خان کو رش میں پھنسا کر مجمع بڑا دکھانے کا کہہ رہے ہیں۔

پی ٹی آئی کے مرکزی رہنما عامر کیانی کی زیرصدارت گوجر خان میں ہونے والے اجلاس کی ویڈیو لیک ہو گئی۔ اجلاس میں پی ٹی آئی کے کئی رہنما شریک ہیں۔

اجلاس کی لیک ہونے والی ویڈیو میں عامر کیانی نے کہا کہ عمران خان کا قافلہ جب گوجر خان پہنچے گا تو اسے رش میں پھنسا کر رکھیں گے تاکہ پی ٹی آئی کا مجمع بڑا نظر آئے۔انہوں نے کہا کہ عمران خان کو رش میں پھنسا کر خطاب کرائیں گے۔

انہوں نے کہا کہ آپ نے بس عمران خان کے قافلے کو رش میں پھنسانا ہے اور ہمیں وہاں 2 گھنٹے لگوانے ہیں۔