ہم کتے کو سرکاری پروٹوکول نہیں دیتے، وزیرایکسائز سندھ

سوال کے جواب میں سندھ حکومت کے وزیر ایکسائز مکیش کمار چاولہ نے کہا ہے کہ سندھ حکومت کے پاس مجموعی طور پر 11 ہزار 623 گاڑیاں ہیں، محکمہ بلدیات کے پاس سب سے زیادہ 1,151 سرکاری گاڑیاں ہیں، محکمہ ایس این اینڈ جی کے پاس 1,078، محکمہ قانون کے پاس 873 ، محکمہ تعلیم کے پاس 955، بورڈ اینڈ ریونیو کے پاس 656 ، محکمہ صحت کے پاس 590 گاڑیاں ہیں۔

انہوں ںے بتایا کہ اسی طرح  سندھ پولیس کے پاس 684 اور محکمہ آب پاشی کے پاس 498 سرکاری گاڑیاں ہیں، سندھ حکومت نے مجموعی طور پر ان گاڑیوں پر 18 کروڑ 66 لاکھ 61 ہزار 946 روپے ٹیکس دیا۔

صوبائی وزیر مکیش کمار چاولہ نے کہا کہ کچھ سرکاری گاڑیاں رجسٹرڈ نہیں ہوئیں، کچھ کا ٹیکس جمع نہیں ہوا، سرکاری گاڑیوں میں ڈرائیور اگر اپنے بچے کو اسکول چھوڑتا ہے تو نہیں روک سکتے، ہم کتے کو سرکاری موبائل کا پروٹوکول نہیں دیتے۔