کراچی سمیت بلوچستان کے اضلاع میں گیس لوڈ شیڈنگ کا شیڈول جاری

کراچی (اُمت نیوز)سوئی سدرن گیس کمپنی نے کراچی سمیت بلوچستان کے اضلاع میں گیس کی لوڈ شیڈنگ کا شیڈول بنالیا ۔

ایس ایس جی سی نے اس ضمن میں ایک اشتہار بھی تیار کرایا ہے جسے میڈیا اور سوشل میڈیا پر جاری کیا جائے گا ۔ امت کو ملنے والے اشتہار کے مطابق صبح کے وقت گیس چھ بجے سے نو بجے ، دوپہر کو بارہ سے ایک بجے اور رات کو چھ سے نو بجے تک فراہم کی جائے گی

۔ کمپنی نے اشتہار میں واضح کیا ہے کہ یہ اقدام وزیر اعظم کی ہدایات کے مطابق اٹھایا گیا ہے تاکہ گھریلو صارفین کو کھانا پکانے کے اوقات میں گیس فراہم کی جاسکے ۔